++ holy week ++

Happy easter sa lahat ng nag ce-celebrate nito. At sa lahat ng nagpapasyon, nagdarasal , at nag oobserba nitong simana santa, mabuhay kayong lahat!

Ilang taon na ba akong hindi nag obserba ng simana santa? ahhhh....tagal na rin pala, simula nong tumuntong ako dito sa Qatar. Yon ay mag-aapat na taon ngayong Nov. 17,2005. medyo matagal na rin no? at siguro mga tatlong beses lang ako nagsimba sa Katoliko. mas marami pa sa born again christian ( at ako'y isang lihitimong katoliko). pero si joi isang BAC.

kung hindi ko pa nababasa ang mga blog ng mga kaibigan ko hindi ko alam na holy week na pala, sabagay hindi ko rin masisi bakit nagkaganon, dahil wala nga namang simana santa sa midde east.

naaalala ko nong unang panahon na nasa pinas pa ako pag holy week, mag wa-way of the cross kami ng barkada ko, mga 6kms din ang nilalakad namin non, nagsisimba pagkatapos, pag black saturday simba ulet. at ang gustung-gusto ko ay tv marathon ng studio 23 - Seventh Heaven! adik ako non sa programang yan. at pag easter sunday gigising ng maaga dahil "salubong" at makipanood na rin ng program sa church.

sarap alalahanin.